E ftuar në emisionin “Historia ime” në Tv Klan ka qene Elmie një 37-vjeçare, nënë e 4 fëmijëve. Elmie është martuar e re me shkuesi, por ajo thotë se jeta e saj gjithmonë ka qenë e vështirë pasi bashkëshorti gjithmonë e ka dhunuar, ajo nuk ka marrë urdhër mbrojtje edhe pse një herë ka rrezikuar jetën, ka qenë e shtruar nga dhuna në spital. Elmia prej dy vitesh është ndarë, por jo ligjërisht. Ajo jeton me 4 fëmijët e saj është e papunë dhe kërkon ndihme.
Elmie: Nuk punonte, luante bixhoz, vjehrra nuk ishte e mirë, fuste konflikte në shtëpi. Një herë më rrahu burri së bashku me vjehrrën dhe kunatën dhe shkova në spitalin Ushtarak. Unë nuk mora as urdhër mbrojtje asnjë gjë.
Elmia tregon se prej dy vitesh është ndarë nga bashkëshorti, por jo ligjërisht. Pasi u nda, ajo i mbajti vetë fëmijët dhe me dëshirën për të krijuar një familje të mirë, ajo u lidh me dikë tjetër që ishe i ndarë nga gruaja dhe kishte dy vajza. Vendosën që të bashkëjetojnë në shtëpinë e tij në Elbasan dhe raporti mes tyre dhe fëmijëve ishte shumë i mirë në fillim.
Mirela Milori: Po çfarë nuk shkoi?
Elmia: Ishte dhe ky i dhunshëm dhe xheloz, morëm një lokal tonin aty dhe thoshte pse hyn në banak ky, ishte shumë i dhunshëm. I vdiq e ëma dhe ne morëm shtëpi në Vlorë me qira sepse kishte konflikte me familjarët. 100 mijë ishte qiraja dhe 80 mijë ishte lokali, punonim dhe jetonim. Pastaj filloi dhuna, ishte shumë xheloz dhe pinte shumë.
Nga kjo bashkëjetesë erdhi në jetë edhe një fëmijë tjetër, por nga dhuna dhe xhelozia, ajo vendosi të marrë rrobat dhe të largohej nga bashkëjetuesi. Tani jeton me 4 fëmijët e vetme në Tiranë, në një shtëpi me qira dhe është e papunë për momentin. Nuk merr asnjë para si nga bashkëshorti i parë si nga bashkëjetuesi i dytë dhe ja del duke punuar nëpër shtëpi të tjera. Elmie me lot në sy tregon se nuk është më e fortë dhe problemet që ka nuk është më në gjendje t’i përballojë.
/a.r
