Kryeministri Edi Rama ka bërë publike një letër që i ka mbërritur nga një qytetar. Ndryshe nga rastet kur vërshojnë kritikat, këtë herë në adresë të kryeministrit ka mbërritur një letër ku vlerësohet reagimi i shërbimit zjarrfikës.
Postimi i Ramës:
LETRA E JAVËS
Përshëndetje Kryeministër,
Doja të ndaja me ju një episod shumë domethënës që më ndodhi sot në mëngjes. Isha në punë dhe më telefonon motra që shtëpia po merrte zjarr prej një defekti të bombolës së gazit. Mu deshën 10 minuta të ftillohem për të kuptuar çfarë duhet të bëja. Ndërkohë që nisem drejt shtëpisë mora zjarrfikësin në telefon. Sa arrita në shtëpi, për dy minuta erdhën zjarrfikëset. Ishin të veshur dhe me mjete kundër zjarrit. Për 5 minuta arritën të neutralizonin rrezikun dhe shpëtuan shtëpinë dhe jetën e nënës sime që nuk pranonte ta linte shtëpinë dhe po luftonte me flakën për ta shuar me tenxhere me ujë.
E shkrova këtë sepse jam shumë i prekur nga çfarë ndodhi, pasi nuk kisha testuar ndonjëherë, apo të prisja të më përgjigjej shteti dhe doja të falënderoja dikë me mirënjohje.
Ervin Kaci
/a.m.
