Zbardhen detaje të reja nga vrasja e Behar Sofisë. Autori i arrestuar në Mal të Zi, Ernejt Shyti, ka marrë statusin e bashkëpunëtorit të drejtësisë pasi ka rrëfyer ngjarjen si dhe ka treguar për 3 bashkëpunëtorët të cilët po ashtu kanë rënë në prangat e policisë.
Shyti ka tregur se vrasjen e ka bërë kundrejt pagesës. Shyti është shprehur se i ishin premtuar 50 mijë euro për vrasjen e Sofisë, shumë të cilën ai thotë se nuk e ka marrë.
Atij i ka dhënë një foto të Sofisë dhe adresën e më pas ai ka bërë vëzhgim për 3 ditë deri në vrasjen e tij. Arma e krimit nuk është gjetur ende, por vetëm gjetur rrobat e tij, maska dhe biçikleta.
Tre bashkëpunëtorët e tij, janë Skënder Vathi, Leonar Xhixha dhe Xhuljano Visha.
Sipas “Balkanweb” Xhuljano Visha ka qenë ndërmjetësuesi në krim. Pikërisht ai ka kontaktuar me Shytin, duke i premtuar shumën prej 50 mijë eurosh për vrasjen e Behar Sofisë.
Ndërkohë, dy djemtë nga Fushë Kruja, Skënder Vathi dhe Leonar Xhixha, janë personat që kanë premtuar të jepnin 50 mijë eurot për ekzekutimin e 66-vjeçarit. Më tej Balkanweb raposton se organizatori i krimit të rëndë është 54-vjeçari Skënder Vathi.
g.kosovari
