Më pranga në duar dhe me maskë, këngëtari i njohur grek Notis Sfakianakis ka dalë sot para autoriteteve të drejtësisë.
Ai ka deklaruar se armën e mbante sepse ishte në rrezik.
“ Armën e kam me vete sepse jam në rrezik. Dokumentet e licencës kishin skaduar dhe nuk ishin rinovuar “, mësohet se ka thënë artisti, i cili u arrestua mbrëmjen e të dielës.
Ndërsa për posedimin e kokainës, këngëtari nuk ka dhënë shpjegime të mjaftueshme.
Sfakianakis u arrestua rreth orës 20:00 të së dielës, ndërsa ishte plotësisht bashkëpunues me policinë dhe nuk bëri rezistencë.
Gjatë një kontrolli rutinë për masat anti covid, policia ndaloi rastësisht makinën luksoze të këngëtarit, ku u gjet një armë zjarri dhe një sasi e vogël kokaine.
g.kosovari
