Media turke kanë publikuar pamje të reja të arrestimit të Faruk Fatih Özer në Shqipëri, i cili ishte në kërkim pasi akuzohet për mashtrim me kriptovalutën turke “Thodex”.
Në pamjet e publikuara nga “Hurriyet”, shihet 28-vjeçari, i cili me pranga në duar zbret nga vendi ku u kap për në makinën e policisë.
Ministria e Brendshme e Turqisë njoftoi se i arratisuri, themeluesi i ‘Thodex’, Faruk Fatih Özer, i cili ishte në kërkim është kapur në Shqipëri dhe ka nisur procedura për ekstradimin e tij drejt Turqisë.
Prokuroria turke ka ngritur akuza ndaj 21 të dyshuarve, përfshirë edhe Faruk Fatih Özer. Ata akuzohen për tre vepra penale dhe rrezikojnë nga 12164 vjet burg deri ne 40564 vjet.
PAMJET E ARRATISJES
Po ashtu mediat turke kanë kanë publikuar edhe pamjet e arratisjes së Faruk Fatih Özer nga Aeroporti i Stambollit në Shqipëri më 20 Prill 2021.
Në pamjet e kamerave të sigurisë, shihet se Faruk Fatih Özer ka mbërritur në aeroportin e Stambollit të martën, më 20 prill, në orën 17.15 me një makinë të zezë me targa 34 DFC 567.
Özer merr çantën e shpinës në sediljen e pasme dhe hyn në terminal në orën 17.21 nga dera numër 3. Në orën 17.46, Özer bën check-in në sportelin e biletave me numër M-18 dhe del në sportelin e pasaportës nr.32 në orën 17.57 në terminalin e nisjes ndërkombëtare.
Faruk Fatih Özer, pasi endet për pak në zonën e pastruar, niset nga porta e fluturimit C-4 në orën 19.25 dhe hip në avionin që do të shkojë në Tiranë, kryeqytetin e Shqipërisë.
