Trikoja ngjyrë ulliri e stilit vintazh, të cilën pjesëtari i grupit rock amerikan “Nirvana”, Curt Cobain mbante veshur gjatë performancës së tij në “MTV unpluged” pesë muaj përpara vdekjes së tij në prill 1994, është shitur dje në ankand kundrejt një çmimi rekord prej 334 mijë dollarësh.
E mbuluar nga njollat origjinale dhe djegiet e cigareve, kjo triko është shndërruar në një ndër artikujt më të shtrenjtë të shitur ndonjëherë në ankand.
Trikoja prej leshi dhe akriliku ka qenë në qendër të vëmendjes gjatë një ankandi dyditor që u zhvillua në ambjentet e “Hard Rock Café” në Nju Jork.
Shtëpia e ankandit “Julien’s Auctions”, që ishte organizatorja e këtij eventi, e përshkroi atë si “një nga trikot më të famshme në historinë e muzikës”.
