Superhajduti i Bankës ka filluar të çelet. Së fundmi, Ardian Bitraj, njeriu që grabiti Bankën e Shqipërisë me një shifër prej 713 milion lekë të reja, ka pohuar se ka qenë në dijeni për shifrën që kishte vjedhur në arka.
Në dëshminë e tij, para prokurorit Ramadan Troci, ku i ka treguar këtij të fundit mekanizmin e vjedhjes, futjen e lekëve në trup dhe “asgjësimin” e tyre në tre pika bastesh në Tiranë, ka thënë se e ka nisur vjedhjen me 15 milion dhe më pas rekordin e ka kapur, ku ka vjedhur 100 milion lekë të vjetra.
Bitraj nënvizon se për vjedhjen ka pasur dijeni vetëm punonjësja Mimoza Bruzia.
