Artistja shqiptare me famë ndërkombëtare, Bebe Rexha, feston sot 37-vjetorin e lindjes. Këngëtarja ka zgjedhur ta kalojë këtë ditë të veçantë në New York, qytetin ku ka lindur dhe është rritur.
Ajo ka publikuar disa fotografi nga festimet e ditëlindjes në Instagram, ku shfaqet e veshur me bikini në apartamentin ku po qëndron, duke pozuar para kamerës. Fotografitë Bebe i ka shoqëruar me një mbishkrim, ku ajo ka shkruar shkurt: “Happy birthday to me”.
Postimi i saj ka tërhequr menjëherë vëmendjen e ndjekësve, të cilët kanë komplimentuar këngëtaren për paraqitjen dhe pozat e saj, ndërsa nuk kanë munguar as urimet e shumta për ditëlindjen.
