I ftuar në emisionin Open, botuesi Henri Çili tregoi momentet e para të arrestimit në Tiranë. Çili ka thënë se është ndaluar rreth orës 20.00 të së enjtes së kaluar kur ka qenë duke shkuar në shtëpinë e tij.
“Të enjten rreth orës 20.00 duke shkuar për në shtëpi, më ndalojnë dhe më shoqërojnë drejt komisariatit. Shkuam kontrolluam zyrën dhe pastaj banesën. Pastaj u nisëm drejt Gjirokastrës. Ishte një gjysmë vendim i gjykatës. Kontrolli zgjati diku te katër orë. Nga ora 20.00 deri në 24.00
Gjatë këtyre orëve isha i pranishëm në zyrë dhe shtëpi. Jemi nisur pastaj drejt Gjirokastrës dhe në orën 08.00 na është vënë në dispozicion urdhri i Gjykatës”, u shpreh botesi.
Ndërkohë, me tej ai thotë se ndalimi ishte i paligjshëm sepse ishte duke shkuar në shtëpi dhe as po arratisej.
“Isha duke shkuar në shtëpi, s’kisha asnjë shenjë që po largohesha ose po ikja diku. Ishte një ngjarje e paprecedencë, se s’kam asnjë precedentë penal. S’kisha asnjë ide pse isha arrestuar deri në momentin që më është paraqitur në mëngjes urdhri i Gjykatës”, shtoi Henri Çili.
/a.r
