Për rreth një orë, drejtori i Policisë së Shtetit, Ardi Veliu, ka dhënë sqarime në Prokurorinë e Krimeve të Rënda për çështjen e video-përgjimin “Babale 2”, ku Fredi Alizoti dëshmoi se ishte çuar në Prokurori me makinë nga Veliu.
Kreu i policisë është marrë në pyetje nga prokurorët Gentjan Osmani dhe Përparim Kulluri.
Pas largimit nga Prokuroria, Veliu nuk pranoi të prononcohet për mediat por mësohet se ai i ka qëndruar deklarimeve të dhëna fillimisht se nuk është i përfshirë në shoqërimin e Fredi Alizotit nga Fieri në Prokurorinë e Krimeve të Rënda. Për këtë çështje do të pyetet edhe drejtori i Policisë së Fierit.
Ndërkohë nesër në orën 09:30 është thirrur ish-drejtori i Policisë Bashkiake në kohën e Bashës, Florenc Hoxha.
Më pas do të kemi një ballafaqim mes Florenc Hoxhës dhe Fredi Alizotit.
Më herët, policia e shtetit i ka konsideruar të pavërteta deklaratat e Fredi Alizotit, të publikuara në video nga deputeti i PD, Ervin Salianji.
***
Drejtori i Përgjithshëm i Policisë së Shtetit Ardi Veliu po dëshmon në Prokurorinë e Krimeve të Rënda në lidhje me videon e kunatit të Babales, ndërsa nesër në orën 09:30 do të pyetet ish-drejtori i Policisë Bashkiake në kohën e Bashës, Florenc Hoxha.
Veliu po jep dëshminë e tij para prokurorëve Gentjan Osmani dhe Përparim Kulluri.
Veliu u paraqit sot në orën 13:00 në Prokurorinë e Krimeve të Rënda
Veliu po dëshmon në prokurorinë e Krimeve të Rënda në lidhje me videon e kunatit të Babales, Fredi Alizoti i cili pretendon se drejtori i policise e ka marre ne makine dhe e ka cuar në prokurori
Videoja e dytë e publikuar pak ditë më parë nga deputeti i PD, Ervin Salianji është në dosjen Babale, ku përfshihet edhe audio- përgjimi që sipas ekspertizës rezultoi i rremë. Në videon e dytë Alizoti pretendon se është marrë në makinë nga drejtori i Përgjithshëm i Policisë së Shtetit, Ardi Veliu, për të dhënë në Prokurori dëshmi të rremë lidhur me çështjen “Babale”.
Gjithashtu, ai pretendon se është takuar edhe nga kryetari i grupit parlamentar socialist, Taulant Balla, i cili i ka premtuar para për të ndryshuar versionin e ngjarjes. Por, si Policia e Shtetit ashtu edhe deputeti socialist, Taulant Balla, mohojnë akuzat e Fredi Alizotit. Ndërkohë që Florenc Hoxha do të merret në pyetje, pasi është personi që ka intervistuar kunatit e Babales.
a.ç
