Nga Artur Ajazi
Miratimi i ndryshimeve kushtetuese sot në Parlament nga shumica e deputetëve majtas dhe djathtas, treguan se “shkarkimi do të ishte lule për Ilir Metën”. Kreu i shtetit nuk i donte ndryshimet aq të nevojshme kushtetuese, madje 1 orë përpara miratimit të tyre, ai ka postuar një video nga 2 Marsi, duke nënkuptuar ndoshta ndonjë reagim nga ana e tij.
Përfundimisht partia e tij dhe partia e Doktorrit, me ndryshimet kushtetuese , dhe listat e hapura, mbeten si “peshku në zall”, pasi do ti duhet të përballen me votën e lirë të shqiptarëve, pa lojëra, pa shenjtanllëqe, por me drejtësi. ndryshimet e reja kushtetuese, sjellin hapjen e listave dhe një formulë të re unike për koalicionet, ç’ka do të thotë se, në rast se PD-LSI (Meta +Doktori) do të jenë në koalicion bashkë, u duhet të dalin me një listë të përbashkët emërore. Ja sheshi, ja mejdani.
Zgjedhjet e 2021, do të hedhin në tapet, emrat e të majtës dhe të djathtës, emrat e atyre që qeverisën dikur duke mashtruar dhe trefishuar rezultatin me komisionerët e paguar, dhe emrat e atyre që kanë qeverisur dy mandate të suksesshme, duke u pergatitur për mandatin e tretë, me projekte dhe ambicje madhore.
Shkarkimi do të ishte “lule” për Ilir Metën, i cili po i përjeton me dhimbje miratimin e ndryshimeve kushtetuese, pasi një ditë të bukur, do ti duhet të shpenzojë shumë “energji” për të ringritur LSI-në e tij. Zgjedhjet e 2021, do të jenë shembulli më i mirë i zhvillimit të një procesi të drejtë dhe të lirë elektoral, do të jenë simbolika e ndryshimeve të pritshme nga çdo shqiptar, që lidhet me votën ndaj të ardhmes.
Parlamenti i Shqipërisë, është i pavarur, i pandikueshëm nga asnjë parti politike, apo segment tjetër politikës rajonale dhe europiane, ç’ka do të thotë se ndryshimet e sistemit zgjedhor janë atribut vetëm i ligjvënësve shqiptarë. Ndryshimet kushtetuese, kanë prishur planet e Ilir Metës dhe aleatëve të tij për të vazhduar serialin me koalicione fictive parazgjedhore, apo me dyfishim e trefishim rezultati nga komisionerët e paguar.
Iku koha kur , PD dhe LSI, mbanin peng zgjedhjet, iku koha kur PD dhe LSI mbanin peng rezultatin e zgjedhjeve, apo kur ndikonin në formimin e qeverisjes pas tyre. Ilir Meta dhe Lulzim Basha, tanimë kanë vetëm një rrugë, firmosjen e një aleance të re “mirëbesimi” parazgjedhore, e cila do tu sigurojë atyre e pakta 30 deputetë në shkallë vendi, me një rezultat të pranueshëm dhe të pakontestueshëm. Koha
kur i kërkohej dhe i imponohej Parlamentit “mosvotimi dhe mosndryshimi” ka perënduar zoti Meta. Në rast se ligjëvënësit nuk të shkarkuan, por thjesht të dhanë një “mesazh mirëkuptimi”, nuk do të thotë që ti zoti Meta, tu kujtosh atyre 2 Marsin, “puthjen e flamurit” apo përshëndetjen e ardhur nga Christiani. Ndryshimet kushtetuese, ishin dhe do të mbeten premtimi i mbajtur i Edi Ramës ndaj hilesë 30 vjeçare që u është bërë shqiptarëve nga partitë parazite politike, ndaj atyre që koalicionet parazgjedhore i kishin kthyer në pazare pushteti, duke harruar se në Parlament kishin ardhur nga vota e popullit. Me pak dhimbje zoti Meta, por pranoje se tani e tutje, duhet të gjesh “treg” të ri për LSI, ose fundja formo një parti të re, me emër tjetër.
