Një 26-vjeçar shqiptar që jeton në Itali ka bërë një kërkesë të çuditshme. “Më mbani më mirë në qeli sesa të rri në shtëpi me babain”.
Dëfrim Murrja ndodhej në masën e sigurimit personal të arrestit në shtëpi, i vënë nën akuzë për një grabitje të ndodhur në qershor të 2015-ës në Milano.
Por mesa duket jetesa me babain ka qenë mjaft e vështirë. Ai është paraqitur në komisariatin e policisë në Savona dhe i ka treguar karabinierëve për grindjet me babin e tij. “Nuk mund të ndaj më të njëjtin ambient me të”, – citojnë mediat italiane të riun.
Megjithatë, shqiptarit i duhet të qëndrojë në shtëpi me babain e tij të paktën deri më 20 shtator kur është caktuar seanca gjyqësore./Gazeta Express
