Ajo kaloi tre muaj makthi si skllave seksi ku përjetoi momente nga më të vështirat.
16-vjeçarja Crystal Allen u ndihmua të arratisej nga streha ku mbahej peng nga një postier nga Sakramento, i quajtur Ivan Cristotomo.
Adoleshentja e falënderoi publikisht postierin. Momentet e ritakimit mes tyre ishin mjaft emocionuese.
“Ajo që bëri Ivan ishte e mrekullueshme. Shumë njerëz do të kishin vazhduar rrugën dhe nuk do i ishin përgjigjur thirrjeve për ndihmë”, tha deputeti David Cuneo për KPIX.
Adoleshentja Crystal aktualisht jeton në një shtëpi ku trajtohen viktimat e abuzimit seksual ndërkohë ende nuk ka pasur asnjë të arrestuar për keqtrajtimin e saj.
Postieri Cristotomo një ditë normale pune pa në rrugë një vajzë që dukej në gjendje të keqe dhe vetëm qante. Ai iu afrua dhe e mori në makinën e postës ku e mbajti të sigurt derisa erdhi policia.
Vajza rrëfeu se për tre muaj me radhë mbahej e lidhur në karrige. Ajo abuzohej seksualisht në format më të rënda ndërkohë gjatë gjithë kohës dhunohej dhe drogohej.
“Lutjeve të mia ata nuk u përgjigjeshin por vijonin torturat”, tha ajo.
Në tetë qershor, skllavja e seksit ishte në makinë me abuzuesit. Ajo doli papritur nga makina dhe u largua me vrap. Pas disa metrash u fsheh pas një peme ku postieri e gjeti duke qarë.
“Kuptova se po përpiqej të arratisej nga diçka e tmerrshme”, tha postieri që e ndihmoi./a.m
