Kryetari i Grupit të LSI Petrit Vasili ka komentuar raportin e agjencisë së mirënjohur Moody’s kur shprehet se investimet e huaja në Shqipëri do të pësojnë një rënie gjatë viteve në vijim duke sjellë destabilitet në ekonominë e vendit.
SIpas ish-kryetarit të LSI një shqetësim i tillë nuk ka arritur në “veshin” e kryeministrit, të cilin Vasili e cilëson si një “shkollëpakët” në çështjet e ekonomisë. Vasili shkruan në profilin e tij në rrjetin social se “i padituri” nuk e vë ujin në zjarr pasi edhe sikur të ndodhë diçka e keqe, ai do t’ua lërë fatkeqësinë shqiptarëve.
Më tutje Vasili ngre një sërë çështjesh të cilat ia adreson kryeministrit, se çfarë projektesh të reja në formën e investimeve të huaja do të vijnë në Shqipëri dhe një sërë adresimesh të tjera.
Për më tepër lexoni postimin e Petrit Vasili:
Moody’s, gjiganti botëror i vlerësimit financiar paralajmëron rënien e madhe të investimeve të huaja në Shqipëri, që në fakt ka filluar rritjen e pashmagshme e të madhe të inflacionit dhe një gjendje të trazuar të financave dhe ekonomisë së vendit në katër vjetët që vijnë.
Këto shqetësime janë madhore dhe me pasoja shumë të rrezikshme për stabilitetin e vendit dhe të ekonomisë me pasoja që do të përplasen mbi qytetarët.
Shkollëpaktit kryeministrit tonë nuk krijon shqetësim kjo, sepse nuk kupton asgjë nga ekonomia me aq shkollë sa ka, vizioni i shkon deri një ditë me pas dhe asnjë orë me shumë, interesin e vet ka rëndësi ta ketë në rregull dhe në çdo rast dihet që do ikë dhe do jua lerë fatkeqësinë pas shqiptarëve.
Ndaj, nuk flet asgjë kryeministri ynë për të ardhmen ekonomike të Shqipërisë që është shumë e rrezikuar.
Nuk flet :
-ç’projekte të huaja do të vijne në Shqipëri,
ç’masa duhen marrë që Shqipëria të jetë atraktive për të huajt,
-ç’hapësira fiskale, administrative ligjore duhen për të ndryshuar këtë moçal demotivues për investimet e huaja.
Por edhe Moody’s kujt i flet, me kë lodhet, shkollëpaktit kryeminister s’ia ndjen hiç, të tijat….në rregull i ka.
/a.m.
