Saimir Zefi është 33-vjeçari shqiptar që është dhunuar në mënyrë barbare nga 4 policë grekë gjatë transportimit për në burg. Shqiptari që thuhet se u dhunua pasi kërkoi të drejtën për të qenë gjykatë gjatë njoftimit të masës së sigurisë ndaj tij, thotë se është i frikësuar për jetën e tij.
Zefi që aktualisht ndodhet në burg shprehet se ka frikë për jetën pasi policët grekë e dhunojnë prej muajsh dhe madje i kanë kërcënuar edhe gruan të cilën e ka greke.
“Kam me qafën shumë problem, por kam dhe dorën dhe këmbën akoma, se jam keq, se i kam pasur prangat shumë të shtrënguar.
Dhuna nisi vjet në nëntor, se u zura me një polic në Kavallë, nisi si punë hakmarrje nga njeri-tjetri. Sivjet vazhdoi historia sërish, kur shkova në Kavallë. U bë çfarë u bë, kaloi. Kam javën tjetër gjyq atje në Kavallë dhe kam frikë shumë aty për jetën, për punën e familjes, kam nusen greke.
Vëllai i atij policit i ka bërë presion nuses sime dhe gjërat janë shumë keq. Po mos të ishte drejtoresha e burgut do isha i vdekur sot”
/e.d
