Një 36-vjeçar rumun është arrestuar në Tenenza të Guidonia Montecelio në Itali, pas hetimeve disa mujore.
Gjithçka nisi shtatorin e kaluar kur policia sekuestroi 50 gramë kokainë në shtëpinë e një gruaje shqiptare. Më pas 36-vjeçari rumun, iu paraqit gruas duke pretenduar se ishte pronari legjitime i drogës dhe kërkoi kthim të menjëhershëm ose rimbursim financiar.
Duke mos besuar se lënda ishte sekuestruar nga autoritetet, 36-vjeçari më pas e kërcënoi gruan me vdekje.
Ai më vonë dërgoi edhe bashkëpunëtorët e tij me kërcënimin se nëse nuk kthente drogën, do t’i rrëmbenin djalin 3-vjeçar.
Shqiptarja bëri më pas denoncimin që çoi në një hetim të thelluar, duke çuar në identifikimin e të dyshuarit, tashmë të njohur për precedentë të veçantë. Për shkak të rrezikut konkret për sigurinë e shqiptares dhe fëmijës së saj, Prokurori Publik ka kërkuar dhe ka marrë dhënien e masës së kujdestarisë.
36-vjeçari u arrestua dhe u transferua në burgun Rebibbia të Romës, në pritje të fazave të mëpasshme të procedimit gjyqësor.
/a.r
