Mbi 20 turistë kanë mbërritur në spitalin e Vlorës. Nga informacionet paraprake të siguruara për BW nga gazetari Enrik Mehmeti, dyshohet se ata janë helmuar nga ushqimi që kanë konsumuar gjatë turit me një anije turistike.
Turistët ishin me guidë turistike duke bërë turin Karaburun-Sazan. Nuk dihet ende nëse turistët janë helmuar në anije apo në ndonjë restorant në Karaburun. Mësohet se mes të helmuarve janë edhe fëmijë.
Sakaq, pritet të ketë edhe një reagim zyrtar nga policia, ndërkohë që kanë nisur hetimet nga Drejtoria e Shëndetit Publik./m.j