Një i ri shqiptar është arrestuar nga autoritetet britanike, duke punuar një fabrikë kanabis. Mediat raportojnë se Dritan Pepa punonte për të shlyer borxhin 27 mijë paund që i detyrohej një bande kriminale.
Policët mbërritën në adresën ku ndodhej shtëpia, në të cilën kultivohej kanabis pas një njoftimi me telefon nga banorët e zonës pasi ndjeheshin të shqetësuar nga zhvillimet aty.
Media lokale “StokeSentinel”, thotë 41 vjeçari shqiptar u arrestua teksa ishte duke pastruar me një fshesë me korrent gjethet e kanabisit.
Pas kontrollit të kryer, policia gjeti në shtëpi edhe 178 bimë të tjera kanabisi, si edhe mjaft vazo të tjera bosh.
Pepa i tha policisë pas arrestimit se i kishte 27 mijë paund borxh një grupi kriminal shqiptarësh, të cilët më pas e kishin detyruar që të punonte në “shtëpitë e barit” për të shlyer detyrimin.
Ai tha se kishte udhëtuar me kamion dhe më pas ishte vënë në kontakt me grupin kriminal të shqiptarëve, të cilët i kishin thënë se duhej të punonte në shtëpinë në fjalë deri sa të shlyhej borxhi.
g.kosovari
