Gazetarja e kronikës së zezë në Klan News, Glidona Daci, si rrallë herë ka vendosur të hapë zemrën në emisionin “Rudina” në Tv Klan. Sipas tematikës që trajtoi programi kësaj të shtune, ajo sjell një studio nga dhuratat më të çmuara që i është bërë. Dhe në fakt nuk është një dhuratë dosido…
Është një pistoletë, por jo e vërtetë, në fakt është një çakmak në formën e një pistoletë, që i është dhuruar gazetares nga një mik i saj i ngushtë.
Në studio Glidona Daci tregon se kjo dhuratë simbolike, i është bërë në një kohë shumë të vështirë, ku mes probleme familjare, miku i saj i ngushtë përmes kësaj dhurate, arriti ta qetësojë dhe t’i rikthejë buzëqeshjen.
Glidona Daci: Unë përgjithësisht kam dëshirë që atë anën time në ekran të mos e shpalos në ekran, pasi gjithmonë kam krijuar atë imazhin e asaj vajzës së fortë dhe të hedhur. Dhurata që unë kam zgjedhur pikërisht me një shaka, pra një dhuratë që unë sa herë e shikoj në shtëpi më bën për të qeshur dhe që lidhet edhe me punën time. Por, një miku im, që është natyra e personit që zgjedh dhuratat tipike dhe që të bëjnë për të qeshur. (Nxjerr pistoletën lodër), mos u trembni.
Rudina Magjistari: Hej po na trembe tani, të shtrihemi të gjithë në tokë. Çfarë është ajo?
Glidona Daci: Është një çakmak, të cilën e kam marrë në një nga udhëtimet, kur kam qenë në Krujë.
Bruno Pollogati: Ik se e mbush shejtani!
Glidona Daci: Kemi qenë në Krujë dhe po bënim batuta me filmat shqiptarë. Ka nisur si një shaka mes meje edhe Dritanit në Pazarin e Krujës dhe ma ka blerë në një nga momentet e mia më të vështira. Po kaloja një situatë shumë të vështir për shkak të probleme që kisha në shtëpi. Dhe po bënim gjatë gjithë kohës batuta ‘Arif dorëzo armën’ dhe unë e kap për një moment atje dhe i them ‘ti dorëzoje armën dhe jo unë, megjithatë qenka shumë e bukur do doja ta kisha një në shtëpi, por s’po e marr sot’. Dhe ai që largohet, ndahet nga pjesa tjetër e grupi, shkon ma blen dhe sa herë që e shikoj më bën për të qeshur, e marr në telefon dhe i them ‘Tan dorëzo armën’.
