Aktori Ermal Mamaqi ka treguar se si po e kalon kohën e tij në karantinë dhe dëmet që i ka sjellë në biznese Covid-19. Në një lidhje me Skype, në News 24, Mamaqi është shprehur se i ka ardhur keq për filmin e tij “I love Tropoja”, pasi gjithçka u ndërpre kur filmi do të mbërrinte në Greqi, Itali, Amerikë e shumë vende të tjera. Përsa i përket ‘Ami Event”, aktori tha se njerëzit kanë anuluar edhe dasmat, gjë që sipas traditave shqiptare është ters. Për të gjithë njerëzit ai dha një këshillë: Përkushtojuni vetes tuaj për 60 minuta. Celularin vëreni në heshtje dhe thojini të mos ju shqetësojnë dhe dëgjoni vetëm veten tuaj. Kushdo që e bën mrekullohet!
“Edhe projektet tona janë ndërprerë. Më erdhi keq për projektin tim “I love Tropoja” se ishim në mes të valës së transmetimit. Do ishim në Greqi, Itali, Amerikë e vende të tjera por çdo gjë u ndërpre. Unë besoj që çdo gjë ndodh për një arsye të mirë, tani me ekipin tim jemi përkushtuar dhe po bëjmë gati një ëebsite që të gjithë shqiptarët, ata që duan të shohin filmin ‘I love Tropoja’ dhe ‘Dy gisht mjaltë’ ta shohin online. Janë anuluar vetëm dasmat e muajit maj. Klientët e muajit qershor nuk kanë bërë anulim. Janë akoma të vlefshme. Nuk janë anuluar as dasmat e verës. Kështu që njerëzit nuk e kanë humbur shpresën. Është keq kur anulon datën e dasmës. Vetëm anulimet e muajit maj, ka pasur disa. Pa u bërë i keq me ca njerëz, por me thënë të drejtën e kam shijuar këtë kohë. Po bëj gjërat që nuk mundesha t’i bëja kur isha në punë. Duket sikur planeti, Zoti çojnë një sinjal dhe tha ‘stop, ndalo pak se jeni duke vrapuar shumë. Çdo ditë mendoni për sa më shumë lekë, sa më shumë famë. Dhe stop të gjithave e merruni me familjen. I jam kthyer fort leximit. Përfundova një kurs, një master dhe kam filluar një tjetër. Në gjithë zallamahinë që ka shtëpia, bëni një ushtrim sepse do ju ndikojë jo vetëm për këtë kohë por për gjithë jetën. Shkoni në një vend, ndoshta dhe në banjë, ose në dhomë dhe përkushtojuni vetes tuaj për 60 minuta. Celularin vëreni në heshtje dhe thojini të mos ju shqetësojnë dhe dëgjoni vetëm veten tuaj. Kushdo që e bën mrekullohet. Ju siguroj se funksionon. Shfrytëzojeni këtë kohë dhe mos e lini mendjen të ikë. Përmirëso veten tënde”, u shpreh Ermal Mamaqi.
g.kosovari
