Një 23-vjeçar shqiptar është arrestuar ditën e djeshme në Greqi pasi akuzohet për vrasjen e hidraulikut Pëllumb Islami në “Nea Ionia”. 39-vjeçari shqiptar u vra mbrëmjen e 21 shkurtit teksa po shihte një ndeshje të “Champions League” në lokal.
Shqiptari i arrestuar në lidhje me vrasjen e tij rezulton të ketë dy emra”: “Dhimitri” dhe “Nektarios”. Ky 23-vjeçar shqiptar ka precedentë penalë për “vrasje nga pakujdesia”, “gjobvënie”, “shkatërrim prone”, “kanosje me armë zjarri”, “vjedhje në bashkëpunim”, “vjedhje e mbetur në tentativë”.
Policia greke ka lëshuar një urdhër arresti për të që më datë 3 mars. Përveç 23-vjeçarit të arrestuar tanimë, policia po kërkon edhe 7 persona të tjerë të përfshirë në vrasjen e hidraulikut shqiptar. Sipas hetuesve grekë 2 prej anëtarëve të bandës së rrezikshme “L” rezultojnë të jenë arratisur në Shqipëri. Një tjetër person i përfshirë në ngjarje rezulton ende i paidentifikuar.
Në momentin e vrasjes së Pëllumb Islamit, një person ka qenë i ulur në tavolinë me të dhe ai është shpallur në kërkim.
/e.d
