Një 23-vjeçar shqiptar i quajtur Sarjo Gjikola është dënuar me 27-muaj heqje lirie nga një Gjykatë në Britaninë e Madhe, pasi është kapur duke kultivuar rreth 133 rrënjë kanabisi në një pronë në Midlands. Lënda narkotike u gjet në një shtëpinë tij në Stoke-on-Trent, më datë 14 shtator.
Gjikola,i tha policisë se ai kishte hyrë në Mbretërinë e Bashkuar rreth gjashtë muaj para arrestimit të tij dhe se këtë punë ai e kishte bërë për të larë borxhet dhe për të ndihmuar nënë e tij që ndodhej e sëmurë në Shqipëri.
Megjithtë ai u deklarua fajtor për prodhimin e kanabisit dhe posedimin e dokumenteve të identitetit me qëllim përfitimi.
Prokurori David Bennett tha: “Ata zbuluan se tre nga dhomat – dy dhomat e gjumit të katit të parë dhe dhoma e pasme e katit të parë“, ishin përshtatur për rritjen e kanabisit me sisteme ngrohjeje dhe ndriçimi. Edhe në këtë rast, energjia elektrike vidhej. Ata gjetën gjithashtu tre dokumente identiteti rumun në tre emra të ndryshëm dhe dy leje drejtimi rumune në dy emra të ndryshëm. Të gjitha dokumentet kishin fotografinë e të pandehurit. Të gjithë ata u ekzaminuan dhe u konfirmuan se ishin të rremë“, tha ai.
Avokatja Catherine O’Reilly, tha se i pandehuri mblodhi borxhet pasi huazoi para për të financuar faturat mjekësore të nënës së tij.
O’Reilly tha: “Erdhi një kohë kur ai duhej t’i paguante ato para. Ai ishte nën presionin financiar për të ndërmarrë hapa të caktuar. Ai erdhi në këtë vend gjashtë muaj para se të arrestohej. Në fillim ai punoi si pastrues në Londër. Shumica e atyre parave do të shkonin për individët që i huazoi para në Shqipëri. Kur erdhi në Stoke-on-Trent ai ishte plotësisht i vetëdijshëm se çfarë ishte operacioni. Ai e dinte se ajo çfarë po bënte ishte gabim. Por duhej të fitonte para dhe ai bëri atë që mundi për ta arritur”.
