Një operacion i policisë së Elbasanit i koduar “Domosdova” ka vënë në pranga tre persona të kapur me drogë në makinë, të cilët ishin nisur nga Tirana.
Gjatë këtij operacioni u vu në pranga T. B., 46 vjeç, Ildi Dushku, 33 vjeç dhe Ylli Spaho, 39 vjeç, të tre banues në Korçë.
Gjithashtu është shpallur në kërkim B. G., 46 vjeç dhe po punohet për kapjen e tij.
Arrestimi i tyre u bë pasi, në aksin rrugor Elbasan-Përrenjas, shërbimet e policisë, gjatë kontrollit të ushtruar në automjetet tip “Audi” dhe “ Peugeot”, kanë gjetur dhe sekuestruar në cilësinë e provës materiale 28.5 kilogramë lëndë narkotike kanabis sativa.
Aktualisht policia vijon punën për identifikimin dhe arrestimin e personave të tjerë që janë përfshirë në këtë veprimtari kriminale.
Ndaj të dyshuarve materialet iu referuan Prokurorisë së Elbasanit, për veprime të mëtejshme.
g.kosovari
