Ministri i Diasporës, Pandeli Majko ka premtuar një “reflektim” të Partisë Socialiste nëse fitohet mandati i tretë qeverisës. I ftuar në emisionin “Open”, Majko është shprehur se lufton për fitoren e Partisë Socialiste, duke u premtuar emigrantëve se do t’u sigurojë të drejtën e votës.
“Me dashuri dhe me inat,”-tha Majko, duke e mbyllur premtimin e tij për Diasporën shqiptare.
Pyetje: Kanë filluar të ndjehen tone kritizere për arrogancën e përfaqësuesëve të PS, i keni dëgjuar?
Majko: Po
Pyetje: Jeni dakord me to?
Majko: Ne kur diskutojmë me njëri-tjetrin, jemi më të ashpër me veten se kundërshtarët. Mendoj se do kemi reflektim shumë të madh në mandatin tjetër.
Pyetje: Po thoni që një qeverisje e mundshme do të ketë filozofi tjetër?
Majko: Jo, do të kemi rishikim të vetëvetes, është më delikat sesa krijimi i diçkaje të re.
Pyetje: Do vinit bast për fitoren e PS?
Majko: Luftoj për fitoren.
Pyetje: Në çfarë shifrash?
Majko: Nuk futem në këtë logjikë. Mendoj se fati i Shqipërisë nuk është histori basti.
Pyetje: Çfarë do t’i thoshit emigrantëve?
Majko: Me qetësi por me inat ne do ta bëjmë se s’bën të drejtën e votës.
g.kosovari
