Shkon në nëntë numri i personave të ndaluar në kuadër të operacionit policor të koduar “Kurila” i finalizuar në muajin nëntor 2019, duke u prangosur një tjetër person i përfshirë.
I dyshuari është shpallur në kërkim për veprat penale “Vrasja me dashje, kryer në bashkëpunim, e mbetur në tentative” dhe “Armëmbajtja pa leje”.
I ndaluari është E. M., 34 vjeç, banues në Korçë, i dënuar më parë për veprën penale “Vjedhja”.
Gjykata e Korçës me vendimin e datës 14 maj, ka caktuar për 34-vjeçarin masën e sigurisë “Arrest në burg”, për veprat penale “Trafikimi i narkotikëve, kryer në bashkëpunim, mbetur në tentativë”.
I ndaluari ështyë pjesë e të dyshuarve që u kapën në kufi me Greqinë, çanta me drogë dhe të veshur si policë.
Nëntë të akuzuarit në bashkëpunim me njëri-tjetrin, kanë tentuar të trafikojnë 37.5 kilogramë lëndë të dyshuar narkotike kanabis, duke u veshur me veshje të cilat mbanin mbishkrimin “Policia”, për ta pasur më të lehtë kalimin e sasisë së drogës nëpërmjet kufirit të gjelbër, në fshatin Kurilë, Devoll.
Në cilësinë e provës materiale u sekuestrua sasia prej 37.5 kilogramë lëndë e dyshuar narkotike kanabis sativa, tre automjete të përdorura nga autorët e dyshuar; një sasi lekësh, 18.550 euro, veshje me mbishkrimin “Policia” dhe aparate celularë.
g.kosovari
