Më 16 nëntor, topi i goditur nga “Dora e Zotit”, ai historiku i cili lidhet me golin e Maradonës ndaj Shilton më 22 qershor 1986, gjatë çerekfinales së Botërorit mes Argjentinës dhe Anglisë në Kupën e Botës në Meksikë, do të dalë në ankand.
Nga ato që shkruajnë tabloidët anglezë, pritet që relikja në fjalë të shitet për 3 milionë euro, një çmim vërtet befasues, por më pak se 8 milionë eurot e paguara për fanellën e Maradonës, të veshur atë ditë.
Pronari i topit është arbitri i asaj ndeshjeje, tuniziani Ali Bin Nasser, i cili nuk arriti ta shikonte prekjen e topit me dorë nga legjenda argjentinase e futbollit, duke ligjëruar një nga golat më ikonë në historinë e futbollit.
“Ky top është pjesë e historisë së futbollit, është koha e duhur për ta ndarë atë me botën”, – tha Bin Nasser. Topi do të shitet në ankand më 16 nëntor si pjesë e një ngjarjeje speciale të Kupës së Botës dhe blerësit e mundshëm mund të regjistrojnë ofertat e tyre në internet nga 28 tetori.
/a.r
Mbase e blen Armand Duka ……