Aktori i spektaklit Klanifornia në TV Klan, Olsi Bylyku, duket se ka thyer rregullat që qeveria shqiptare ka vendosur për të gjithë qytetarët në këtë situatë të krijuar në vendin tonë, si pasojë e koronavirusit.
Dosja.al ka zbardhur detaje nga itinerari që ka kryer aktori Olsi Bylyku pas ardhjes së tij nga Italia. Aktori i “Klanifornia” që ditën e sotme u ndalua nga Policia e Shtetit, sepse sipas Gazetës Tema po lëvizte në rrugë me automjetin e tij pa u pajisur me lejen e posaçme, ka vijuar jetën e tij normalisht pas kthimit nga Italia.
Ditët e fundit, Dosja.al ka mësuar se Bylyku ka qenë në ambientet e Tv Klan dhe ka marrë pjesë në provat e spektaklit “Klanifornia”. Rrjedhimisht, aktori ka qenë në kontakt metë gjithë aktorët e tjerë dhe ka prekur shumë objekte në vendin ku bëhen provat. Edhe pse ende nuk dihet nëse aktori Olsi Bylyku, është apo jo i infektur me Covid-19, fakti që ka pasur një rreth të gjerë kontaktesh e bën atë më të rrezikshëm.
Gazeta Tema publikoi lajmin se policia ka ndaluar aktorin e TV Klan Olsi Bylyku, në një nga postoblloqet e kryeqytetit teksa ky i fundit kishte vendosur të sfidonte urdhrin e Policisë së Shtetit. Bylyku nuk ishte i pajisur me lejen e posaçme siç ka paralajmëruar policia dhe pas kontrolleve rrezultoi se ai ka ardhur nga Italia më 8 mars në vend, në një kohë që urdhrat e autoriteteve ligjzbatuese janë të qarta.
Aktualisht Bylyku ndodhet në banesën e tij ku edhe është shoqëruar nga efektivët, ndërsa vetëm një ditë më parë publikoi një video ku u kërkonte të gjithë shqiptarëve që të qëndronin në shtëpi në mënyrë që të kujdeseshin për veten dhe familjarët e tyre dhe t’i mbronin ata nga koronavirusi.
g.kosovari
