Me 35 mijë paund në kroskotin e “Porsche”-t/ Shoqërohet drejtuesi i automjetit në Elbasan

Një drejtues mjeti i identifikuar si Algert Lloci është ndaluar nga Policia e Elbasanit pasi po qarkullonte me një mjet luksoz tip “Porsche”. Gjatë kontrollit në makinën e tij, Policia ka gjetur dhe sekuestrua 35 mijë paund të padeklaruara.

I pyetur nga efektivët për origjinën e parave, i riu nuk u është përgjigjur duke përfunduar në Komisariatin e qytetit.

Ndërkohë po në Komisariatin e qytetit është dërguar edhe mjeti luksoz, i cili mban targën “AA 666 YL”. Ndërsa shoferi i saj, Lloci aktualisht ndodhet para hetuesve ku po jep sqarime mbi origjinën dhe destinacionin e parave të padeklaruara.

Mesa duket i riu po përfitonte nga errësira e natës për të dalë pa rënë në sy nga qytetit dhe për të dërguar të thatat në destinacionin e tyre, por nuk ia ka dalë.