Edhe pse ka kohë që nuk është ngjitur në ring, boksieri i famshëm Conor McGregor vazhdon të jetë në qendër të mediave dhe rrjeteve sociale.
Kësaj here, një video e ish-kampionit të UFC-së ku godet një person të moshuar në një bar, është bërë virale në rrjete sociale.
Ngjarja mësohet të ketë ndodhur në një pub në Dublin. Sipas mediave të huaja boksieri 31-vjecar kërkonte të qeraste të gjithë të pranishmit me uiskin që prodhon kompania në pronësi të tij, por ka hasur në refuzimin e një prej tyre.
“Nuk e dua atë m*t”, mësohet t’i ketë thënë i moshuari boksierit.
McGregor e ka marrë si ofendim këtë gjë dhe e ia ka vënë sërish gotën përpara klientit. I moshuari ka bërë sërish të njëjtin veprim teksa duken edhe të kenë shkëmbyer disa fjalë mes tyre.
Ka qenë në atë moment kur McGregor nuk ka duruar më dhe e ka sulmuar dhunshëm.
Kjo nuk është hera e parë, që ish-kampioni i UFC bëhet protagonist në shfaqe të dhunshme, ndërsa vetëm pak muaj më parë ai u arrestua për të njëjtin shkak në Las Vegas. /l.m
