Ngritja e Strukturës Speciale, të njohur si SPAK, që do të luftojë krimin dhe korrupsionin në nivele të larta, çon në mbylljen e Prokurorisë së Shkallës së Parë për Krimeve të Rënda dhe Prokurorisë së Apelit për Krimeve të Rënda.
Për këtë arsye, Këshilli i Lartë i Prokurorisë do të diskutojë në mbledhjen e ditës së nesërme lidhur me transferimin e të gjithë prokurorëve të këtyre dy institucioneve, si dhe drejtuesve të tyre.
Pasi humbi përballë shokut të klasës, Olsian Çela, ish-kryeprokurorja e përkohshme e përgjithshme do të emërohet prokurore në Prokurorinë e Apelit në Prokurorinë Tiranë.
Kështu, KLP sqaron se nesër ndërpritet caktimi i përkohshëm i prokurores Donika Prela si Drejtuese e Prokurorisë së Krimeve të Rënda dhe vendoset kthimi i saj në Prokurorinë pranë Gjykatës së Shkallës së Parë Durrës.
Gjithashtu, janë edhe 12 prokurorë të këtyre dy Prokurorive, për të cilët do të vendoset nesër transferimi, ku mes tyre janë edhe Besim Hajdarmataj apo Elisabeta Imeraj.
Transferimi i tyre do të bëhet pas mbylljes së këtyre prokurorive, në prokurori të tjera të juridiksionit të përgjithshëm.
Prokurorët që do të transferohen janë:
- Arens Çela,
- Blerim Tominaj,
- Besim Hajdarmataj,
- Artan Bajrami,
- Eugen Beçi,
- Doloreza Musabelliu
- Elisabeta Imeraj
- Manjola Kajana
- Përparim Kulluri
- Vladimir Mara
- Sonila Muhametaj
- Pranvera Pustina
