Një pronar i lokalit në lagjen “Partizani” të Vlorës është arrestuar ditën e sotme, pasi ai nuk ka bërë kallëzim në polici lidhur me plagosjen në lokalin e tij.
“Në vijim të plagosjes së ndodhur mbrëmjen e kaluar në ambientet e një lokali në lagjen “Partizani” Policia ka arrestuar në flagrancë pronarin e lokalit, shtetasin:
A.J., 55 vjeç, banues në Vlorë.
Nga hetimet e kryera, ka rezultuar se ky shtetas pas ngjarjes së ndodhur nuk ka kallëzuar në organin policor për plagosjen e shtetasit G.Ll dhe ka mbyllur lokalin duke kryer veprime të tjera me qëllim dëmtimin e provave.
Materialet iu referuan Prokurorisë në ngarkim të tij për veprat penale “Moskallëzim krimi” dhe “Veprime që pengojnë zbulimin e të vërtetës”, njofton policia.
/a.r
