Superliga ka zhvilluar sot ndeshjet e fundit duke përcaktuar edhe ekipet që do të luajnë në kupat e Europës.
Partizani, pas Kukësit, ka arritur të sigurojë pjesëmarrjen në Europa League falë fitores 3 – 0 me Elbasanin.
Ky është një rikthim pas 7 vitesh në aktivitete ndërkombëtare për ekipin e të kuqve.
Tirana ka ende shpresë për të luajtur në Europa League, pasi e ka mbyllur në vendin e katërt. Fitorja 1 – 0 me Teutën falë golit të Elis Bakajt në minutat e fundit bën që bardheblutë të presin fituesin e Kupës së Shqipërisë.
Nëse Kukësi triumfon me Laçin më 29 maj në Europa League luan Tirana.
Edhe Kukësi ka arritur të fitojë në në takimin e fundit të kampionatit, duke mundur Flamurtarin me rezultatin 2 – 1.
Laçi ka fituar 4 – 1 me Apoloninë që bashkë me Elbasanin është rikthyer në Kategorinë e Parë.
Sezonin e ardhshëm në Superligë do të luajnë Bylisi dhe për herë të parë Tërbuni. Shënuesi më i mirë për vitin e dytë radhazi është Pero Pejiç me 31 gola.
