Ish-deputeti socialist, Pilo Keri, që aktualisht është pronar i karburantit pranë të cilit humbën jetën dy vogëlushët e familjes Negollari, ka reaguar në lidhjeme ato që ai i cilëson si sulme politike.
Prej tre javësh, Keri dhe djali i tij, drejt në Ministrinë e Transporteve, janë akuzuar nga mediat për favorizim të karburantit të tyre duke prishur barrierën ndarëse të korsive, element ky që shkaktoi vdekjen e dy fëmijëve dhe plagosjen e nënës dhe motrës 1-vjeçare.
Në reagimin e tij, Keri thotë se të qënurit deputet i PS në vitet 2005-2009 e detyroi atë të largohet nga biznesi për t’u rikthyer sërish.
Ndër të tjera, Keri thtoë se djali i tij Krisleni ka nisur punë pranë ministrisë pasi ka përfunduar studimet në Itali dhe është brenda formimit profesional për të cilin ka studiur.
“Këto janë spekulime dhe sulme politike që bëhen për shkak se më parë kam qenë deputet i Partisë Socialiste, por sulmet e drejtpërdrejta ndaj biznesit të ndershëm nuk mund të anashkalohen” – shkruan Pilo Keri.
Biznesmeni thekson se do t’i drejtohet organeve kompetente për ato që ai i cilëson si akuza të rreme nga mediat klienteliste.
Por, në deklaratën e tij, Keri nuk përgenjështron apo sqaron nëse karburanti i tij është favorizuar apo j. Kohë më parë, mediat publikuan dokumentacionin ku ‘Pienvis’ sh.p.k jo vetëm është favorizuar duke prishur trafikndarësen, por më pas ka përfituar edhe mirëmbajtjen e të njëjtës rrugë ku ndodhi aksidenti fatal. Sipas publikimeve, të gjitha këto për shkak të konfliktit të interesit pasi djali i tij punon në ministrinë e linjës.
Për ngjarjen në fjalë, tre punonjës së Autoritetit Rrugor Shqiptar janë vënë në pranga.
(javanews.al / r.a)
