Dan Bilzerian është një milioner, i vetëquajtur filantrop seksual, dhe një super yll i rrjeteve sociale me miliona ndjekës në rrjetin social Instagram. Tani ai është edhe kandidat për president në zgjedhjet e vitit 2016.
Ai planifikon që të publikojë kandidaturën e tij duke organizuar një ceremoni apo të ashtuquajturën “Dan Bilzerian 2016 Party” në klubin ekskluziv Marquee në Nju Jork.
Businessinsider shkruan se përkundër numrit të madh të ndjekësve në Instagram, pritjet për një elektorat të mundshëm janë të vogla.
Ai është i njohur për skandalet nëpër rrjete sociale, dhe për “shfaqjen” e pasurisë së tij duke postuar fotografi me të hollat që posedon.
Ai është detyruar të marrë edhe disa ndëshkime për shkak të postimit të fotografive me armë, gjë e cila është konsideruar sjellje e papërgjegjshme. Po ashtu ishte paditur për hedhjen e një ylli pornografik nga çatia.
Pagesa fillestare për të marrë pjesë në festën e tij është 40 dollarë. Edhe logoja e tij ndryshon nga kandidatët tjerë, duke ofruar edhe veshje të ndryshme me logon e tij.
Krishtlindjet e kaluara, Bilzerian kishte publikuar një foto me kongresisten e Kalifornisë Dana Rohrabacher.
Nuk është e qartë nëse Rohrabacher do ta përkrahë fushatën e Bilzerian. Është po ashtu e paqartë nëse ajo do të marrë pjesë në ndejën e organizuar nga ai.
