Ditën e sotme, në orën 10:00 pritet që të mblidhen deputetët e Kuvendit të Shqipërisë. Kuvendi do të mblidhet sot, pasi dita e djeshme për shkak të Ditës së Verës, ishte ditë pushimi zyrtare.
Në rendin e ditës, pritet që të diskutohen projektligje si ai “Për sigurimin e detyrueshëm në sektorin e transportit”; Projektligji “Për Gardën e Republikës së Shqipërisë”; “Për ndryshimin e emërtimit të njësisë së qeverisjes vendore”.
Gjithashtu, në diskutim do të jetë edhe Dekreti i Presidentit të Republikës, me nr. 11981, datë 26.2.2021, “Për kthimin e ligjit nr. 15/2021 “Për disa ndryshime dhe shtesa në ligjin nr. 59/2014 “Për karrierën ushtarake në Forcat e Armatosura të Republikës së Shqipërisë””, të ndryshuar”.
Në mbështetje të Urdhrit nr. 14, datë 11.3.2021 të Kryetarit të Kuvendit, z. Gramoz Ruçi, rendi i ditës është si më poshtë vijon:
- Miratimi i procesverbalit të seancës plenare datë 08.03.2021
- Projektligj “Për sigurimin e detyrueshëm në sektorin e transportit”.
- Projektligj “Për Gardën e Republikës së Shqipërisë”.
- Projektligj “Për ndryshimin e emërtimit të njësisë së qeverisjes vendore”.
- Projektligj “Për disa shtesa dhe ndryshime në ligjin nr. 115/2017 “Për krijimin e Agjencisë Kombëtare të Diasporës”.
- Dekret i Presidentit të Republikës, me nr. 11981, datë 26.2.2021, “Për kthimin e ligjit nr. 15/2021 “Për disa ndryshime dhe shtesa në ligjin nr. 59/2014 “Për karrierën ushtarake në Forcat e Armatosura të Republikës së Shqipërisë””, të ndryshuar”.
- Diskutime për çështje jashtë rendit të ditës (60’).
