Vettingu pritet të jetë pjesë e debateve në komisionin e posaçëm për Reformën në Drejtësi.
Në mbledhjen e cila nisi rreth orës 11:00 është e pranishme edhe opozita.
Sipas programit të paracaktuar, Komisioni i Posaçëm Parlamentar për Reformën në Drejtësi, do të diskutojë ligjin për Rivlerësimin, e Gjyqtarëve dhe Prokurorëve.
Në mbledhje pritet që opozita të paraqesë opinionin e saj lidhur me disa ndryshime në këtë nen të rëndësishëm, pjesë e 7 ligjeve mbështetëse të ndryshimeve kushtetuese.
Ekspertët demokratë mendojnë se çështja e hetimit nga faza e parë deri në vendimmarrje duhet t’i përkasë organeve të reja të rivlerësimit pasi siç argumentojnë është e pamundur që e njëjta strukturë me të njëjtën përbërje dhe mënyrë funksionimi, me të njëjtën varësi apo pavarësi nga politika, do mund të performojë ndryshe.
Gjithashtu një pikë e debatueshme pritet të jetë dhe afati i procesit të rivlerësimit, kjo e konfirmuar edhe nga eksperti demokrat Gazmend Bardhi.
Në ndryshimet kushtetuese të miratuara me konsensus, është parashikuar që ky proces të jetë për një afat 5 vjeçar.
