Një javë pas marrëveshjes së SHBA me Qeverinë shqiptare për strehimin e afganëve që u rrezikohet jeta nga talebanët, Ilir Meta vijon të mos ketë asnjë koment.
Ai ia ka dedikuar Facebook-un e tij vetëm ngarjeve ku bëhet fjalë për ndërtime dhe lekë, si Teatri, Sarajet, Astiri etj. Apo dekoratave që shpërndan dhe përkujtimit të të vdekurve si Havzi Nela, Arben Xhaferri, Petro Nini Luarasi, Vojo Kushi, Margarita Tutulani, Hasan Prishtina, Musine Kokalari etj. Por vetëm për çështjet me rëndësi shtetërore që nuk flet.
Pasi dha ‘alarmin’ sot se edhe te Pallati i Brigadave do të ndërtohen kulla, Presidenti ka gjetur kohë për Petro Nini Luarasin.
Ja çfarë shkruan kreu i shtetit:
I helmuar në pabesi, si sot 110 vite më parë, u nda nga jeta martiri i gjuhës dhe shkollës shqipe, rilindasi i shquar i Kolonjës së dijes, kulturës dhe atdhedashurisë, patrioti i paharruar dhe Mësuesi i Popullit, Petro Nini Luarasi.
“Edhe 99 herë të rrëzohemi, përsëri duhet të ringrihemi. Mblidheni gjakun tim, që ta përdorin fëmijët për të shkruar shqip!”
Amanetet dhe vepra e tij frymëzuese mbeten përherë motivim në shërbim të kombit dhe arsimit shqip!
/a.r
