Partia Socialiste ka mbledhur këtë të hënë, 6 tetor, grupin e saj parlamentar nën drejtimin e Taulant Ballës.
Mbledhja po zhvillohet në prag të seancës plenare dhe diskutimeve në komisionet parlamentare.
Një nga çështjet kryesore në rend të ditës është kërkesa e Partisë Demokratike për shkarkimin e kryetarit të Kuvendit, Niko Peleshi. Kjo kërkesë pritet të shqyrtohet sot në Këshillin e Legjislacionit.
Opozita e ka dorëzuar disa javë më parë kërkesën, duke akuzuar Peleshin për shkelje të Kushtetutës, pas ndryshimeve në strukturën parlamentare, me të cilat PD nuk është pajtuar.
Ndërkohë, në komisione do të nisë puna edhe për shqyrtimin e draftit të ri të Kodit Penal, një tjetër temë që pritet të ngjallë debat mes shumicës dhe opozitës.
