Kristi Maze, djali 10-vjeçar i sëmurë me trombozë në mëlçi, niset sot drejt Italisë për kurim, pas sigurimit të shumës së garancisë falë kontributit të qindra qytetarëve, artistëve e ndonjë politikani.
Dje shuma e parave të grumbulluara arriti në 64 000 euro. Qytetarë shqiptarë, nga Shqipëria dhe jashtë saj, kanë depozituar para në llogaritë bankare të hapura për këtë qëllim dhe të tjerë kanë kontribuuar në kutinë e solidaritetit, që News24 ka ekspozuar në vende të ndryshme publike.
Dje dhuruan para punonjësit e stafit të PNUD në Tiranë, ndërkohë që iniciativa u mbështet nga zyrat e OKB në Shqipëri, si UNICEF, UNHCR, UNWOMAN, UNFPA dhe IOM.
Procedurat për dërgimin e Kristit privatisht në spitalin e Bergamos janë drejt fundit dhe ai do të niset sot për në Itali.
