Ngjarjet e fundit terroriste kanë vendosur në gjendje alarmi vendet evropiane. Lufta e përbashkët kundër terrorizmit do të jetë në fokus të organeve ligjzbatuese të vendeve të Evropës Juglindore.
Pikërisht ky është edhe fokusi kryesor i Asamblesë së Drejtuesve të Policive të vendeve të Evropës Juglindore, forum i cili po mbahet në Tiranë.
Presidenti i SEPCA, njëherësh dhe Drejtori i Policisë së Shtetit, Haki Çako deklaroi sot se ngjarjen e rënda të ndodhura në Paris ndjejnë nevojën për t’i shpallur luftë të përbashkët terrorizimit. Kreu i Policisë së Shtetit theksoi se sulmet në Paris, imponojnë të mbahet një qëndrim.
“Një vit më parë Policia e Shtetit mori presidencën e parë të SEPCAs. Sot falenderoj Ministrinë e Punëve të Brendshme, që na kanë dhënë iniciativave tona vlerësim. E kam konsideruar SEPCAn si një familje të madhe, pasi çdo ditë janë përkushtuar duke rrezikuar dhe jetën e tyre. Situata e fundit në Francë na imponon të mbajmë një qëndrim. Të punojmë të gjithë së bashku kundër terrorizimit, radikalizmit, konsideruar akte kriminale kundër njerëzimit. Të pafundme janë sfidat që na presin së bashku në të ardhmen”, -tha Çako.
