Pasi kryeministri Edi Rama e cilësoi mbledhjen e jashtëzakonshme në OKB për Kosovën si të pakuptimtë, kreu i Partisë Demokratike, Lulzim Basha nuk i kurseu akuzat për kreun e qeverisë.
Ai tha se Kosova nuk ka nevojë për leksione demokracie nga një autokrat, por për mbështetje konkrete.
“Aleatët strategjikë e trajtojnë sigurinë e Kosovës si çështje të sigurisë kombëtare, rajonale, europiane dhe euroatlantike. Vetëm Edi Rama nuk e konsideron të tillë. Aleatët strategjikë e trajtojnë korrupsionin e politikanëve dhe zyrtarëve të lartë në Shqipëri si cënim të sigurisë së tyre kombëtare. Vetëm Edi Rama nuk e konsideron çështje të sigurisë së vendit tonë. Kosova nuk ka nevojë për leksione demokracie nga një autokrat, por për mbështetje konkrete. Shqipëria nuk ka kërcënim më të madh ndaj sigurisë së saj kombëtare se korrupsioni që vret vende pune, varfëron shqiptarët dhe shkatërron besimin te institucionet dhe shteti”, shkruan Basha.
/a.r
