Këshilli i Ministrave miratoi sot një sërë vendimesh të rëndësishme.
Qeveria vendosi financimin në vlerën 70 000 000 (shtatëdhjetë milionë) lekë të kostove për hartimin e disa projekteve teknike si dhe të disa projekteve konceptuale-vizionare për zonat e Jugut të Shqipërisë, përfituese në kuadër të fazës përgatitore të projektit “Për zhvillimin e integruar urban dhe ekonomik”, që do të financohet nga Banka Botërore dhe do të zbatohet nga Fondi Shqiptar i Zhvillimit.
Qeveria vendosi miratimin e kontratës shtesë të koncesionit “Për disa ndryshime dhe shtesa në kontratën e koncesionit (Nr.375 Rep.; 203 Kol., datë 21.9.2012) të formës “BOT” (ndërtim-operim-transferim), për ndërtimin e hidrocentraleve në rrjedhën e lumit Mat: “Gjoni”, “Blishta”, “Klosi”, “Domi”, “Luci”, “Shoshaj”, “Zenishti” dhe “Burreli””, miratuar me vendimin nr.673, datë 3.10.2012, të Këshillit të Ministrave.
Qeveria vendosi për një ndryshim dhe disa shtesa në vendimin nr.23, datë 20.1.2016, të Këshillit të Ministrave, “Për përcaktimin e numrit të punonjësve me kontratë të përkohshme për vitin 2016 në njësitë e qeverisjes qendrore’”, të ndryshuar.
Kështu në vendimin nr.23, datë 20.1.2016, të Këshillit të Ministrave, të ndryshuar, bëhen ndryshimi dhe shtesat: Në pikën 1, numri i punonjësve dhe praktikantëve me kontratë të përkohshme ndryshohet dhe bëhet “… 2 196 veta …”.
Qeveria mori vendim për organizimin dhe funksionimin e Sekretariatit Teknik të Këshillit Kombëtar të Ujit
Qeveria vendosi shpronësimin, për interes publik, të pronarëve të pasurive të paluajtshme, pronë private, që preken nga ndërtimi i segmentit rrugor “Unaza e madhe e Tiranës (Komuna e Parisit-Rruga e Kavajës) shtesa”.
Qeveria gjithashtu vendosi shpronësimin, për interes publik, të pronarëve të pasurive të paluajtshme, pronë private, që preken nga realizimi i projektit “Rikonstruksion dhe rikualifikim urban i lulishtes perëndimore dhe suplementi i sheshit qendror “Teodor Muzaka””, Berat.
Qeveria vendosi shpërblimin e pronarëve të pasurive të paluajtshme, pronë private, për sipërfaqet takuese, të zëna nga ndërtimet informale në qarqet Elbasan, Korçë, Kukës, Lezhë, Vlorë, Tiranë dhe Durrës.
Qeveria gjithashtu vendosi miratimin e standardeve të projektimit të çerdheve.
Qeveria po ashtu vendosi Miratimin e Strategjisë Kombëtare për Pronësinë Intelektuale 2016-2020./a.m.
