Kryetarja e Kuvendit të Shqipërisë, Elisa Spiropali, ka dhënë një prononcim lidhur me mbledhjen e përbashkët të Kuvendit të Shqipërisë dhe Kuvendit të Kosovës që do të zhvillohet në Prishtinë më 20 dhjetor.
Në këtë takim, theksi do të vihet te koordinimi i agjendës kombëtare dhe avancimi i objektivave strategjike, përfshirë anëtarësimin e Shqipërisë në Bashkimin Evropian dhe integrimet euro-atlantike të Kosovës.
Po ashtu, do të diskutohen edhe çështje të rëndësishme si mbrojtja e të drejtave të shqiptarëve dhe rritja e kontributit të faktorëve shqiptarë në zhvillimin, demokratizimin, paqen dhe sigurinë e rajonit dhe më gjerë.
“Ky Kuvend i përbashkët vjen si nevojë e koordinimit të agjendës tonë kombëtare për realizimin e objektivave strategjike, anëtarësimin e Shqipërisë në BE, integrimet euro-atlantike të Kosovës, mbrojtjen dhe avancimin e të drejtave të shqiptarëve dhe rritjen e kontributit të faktorit shqiptar në zhvillimin, demokratizimin, paqen e sigurinë në rajon e më gjerë”, shkruan Elisa Spiropali.
