Në përfundim të mbledhjes së grupi parlamentar të LSI me dy ambasadorët Lu e Vlahutin, për median ka folur kryetari i grupit Petrit Vasili, i cili ka theksuar se procesi i reformës është në rrugën e duhur dhe se drafti duhet të miratohet. Vasili shtoi se me miratimin e ndryshimeve kushtetuese, do t’i hapet rruga edhe punës për ndryshimet e nevojshme ligjore që do të kërkojë reforma e ndryshimet kushtetuese që ajo do të prodhojë.
“Jemi në rrugën e duhur kemi asistencën e duhur dhe paanshmërinë e ndërkombëtarëve. Sigurisht sot ishte një mundësi për një komunikimi të drejtpërdrejtë me të dy ambasadorët… dhe besoj e vlerësoj pozitivisht këtë komunikim.
Kështuqë mendoj që nga sot jemi shumë të qartë, partnerët tanë dhe ne, që reforma duhet të përmbyllet… mendoj se nuk ka asnjë moment të pakapërcyeshëm.
Kemi të gjitha mundësitë që jo vetëm ta kalojmë por edhe sesioni parlamentar të përfundojë për ti hapur rrugën mjaft të rëndësishme të ligjeve në zbatim të reformës.”- tha Vasili.
javanews/ a.k