I mbijetoi një përplasje nga ulja me probleme e avionit dhe pak ditë më vonë kap qiellin. Kjo është historia e një qytetari indian, i cili jeton në Dubai dhe ka festuar orët e fundit, pikërisht gjashtë ditë më vonë, fitimin e një llotarie me vlerë 1 milion USD, vetëm pak ditë pas asaj përvoje të tmerrshme.
Mohammad Basheer Abdul Khadar, 62 vjeç, ishte në bordin e fluturimit të Emirates EK521 gjatë fluturimit nga India jugore për në Dubai, kur avioni rrëshqiti në pistë sapo u ul dhe shpërtheu në flakë.
Pavarësisht nga fakti se e gjithë gjysma e sipërme e avionit Boeing 777 është djegur, bilanci i lëndimeve ishte jo aq i rëndë, pasi vetëm 13 pasagjerë mbetën të plagosur kurse një zjarrfikës mbeti i vrarë. Fatlum qëlloi personazhi ynë.
Numrin fitues, Khadar e tërhoqi në Dubai Duty Free Millennium në Aeroportin Ndërkombëtar të Dubait, pikërisht në vendin ku për pak vdiq. I mbijetuari ka fituar plot Dh3.67 milion (1 milion USD).
“Dhuratë nga Zoti” e ka quajtur Khadar, punonjës në një pikë shitjeje të makinave në Dubai. Ai i tha Gulf News se e kish blerë biletën muajin e kaluar pak para se të nisej me pushime me familjen e tij në shtetin jugor indian të Keralës, ku janë njerëzit e vet. CNN/Javanews. (b.an)
