Nga Emirjon Senja/
Nje ngjarje si ajo e Selenices te trondit pa mase, aq sa fillon mendon automatikisht mos ke ndonje te “cmendur” perreth nga i cili mund te te rrezikohet familja. Lum sharjesh, mallikimesh, kerkesa per denime me vdekje e deri ne rrjepje tek sheshi i Flamurit kemi pare keto dite duke verejtur me kujdes se si nje Ritvan nxorri ne pah “ritvanet” brenda vetes sone.
Nje shoqeri e shendoshe nuk kerkon larjen e gjakut me gjak e as me makabritete te ngjashme, por kerkon zbatimin e ligjit. Ngjarje te tilla mund te na ndergjegjesojne per te dashur me shume jeten dhe njeri-tjetrin dhe jo per te shtuar dozen e makabritetit.
U desh nje Ritvan per te nxjerre ne pah “ritvanet” brenda nesh, me mijera qe kerkojne varje, avokate qe nuk bejne detyren dhe gazetare qe peshtyjne te akuzuarin ne shkallet e gjykates. Po nuk ka faj populli jo, kur dalin lideret fetare kerkojne denim me vdekje, cfare urtesie do te mesojne te tjeret!
“Ritvanet” nuk neutralizohen duke mbjellur urrejtje e duke iu pergjigjur makabritetit me me shume makabritet, por duke reaguar me kembe ne toke, por mbi te gjitha duke mbjellur dashuri per njerezoren.
