Për rreth dy orë e gjysmë është marrë sot më 3 korrik në pyetje nga agjentët e BKH-së në SPAK deputeti i Partisë Demokratike Asllan Dogjani.
Në dalje pas 150 minutash, Dogjani nuk tha shumë për mediat, ndërsa përmendi edhe një herë një kallëzim të cilin e ka përmendur më parë.
Dogjani “kallëzim që prej vitit 2020, për të cilin kam kërkuar interpelancë me Kryeministrin.
Më herët Dogjani, në një prej seancave plenare, dënonoi për një pallat të ndërtuar në vitin 2006, i cili sipas tij nuk ishte legalizuar nga ndërtuesi Ilirjan Çela. Sipas Dogjanit në emër të një të moshuari në oborrin e pallatit është në njësinë nr. 9 në Tiranë ishte legalizuar edhe një kopsht fëmijës, i cili më pas i ka kaluar në emër të ndërtuesit, Miljan Cela, ngjarje për të cilën deputeti i PD dhe disa banorë kishin bërë kallëzim.
Kaq ka deklaruar Dogjani, ndërsa interesimit të Report Tv për t’i dhënë më shumë detaje deputeti demokrat nuk i është përgjigjur. Duket e paqartë dhe fakti se pse çështjen Dogjani e ka kallëzuar në SPAK.
Pse duhet një kallëzim për një kopsht pa leje të bëhet në SPAK? Pse nuk e sqaron deputeti nëse bëhet fjalë për ndonjë zyrtar të lartë të përfshirë apo kemi të bëjmë me korrupsion pse shpërdorim detyre? Ndërkohë që nuk përjashtohet mundësia që Asllan Dogjani të jetë marrë në pyetje nga hetuesit e Prokurorisë së Posaçme edhe për çështje tjetër.
