Një vit më parë planeti tokë është goditur nga virusi më fatal i viteve të fundit, COVID-19. Aktualisht numri total i rasteve të infektimeve ka arritur 81,186,494, ndërkohë që numri i viktimave është 1,772,838 në të gjithë botën që nga fillimi i pandemisë.
Sipas të dhënave nga worldometer numri i pacientëve të shëruar nga virusi është 57,330,519.
Vendet të cilat kanë numrin më të lartë të rasteve dhe viktimave nga koronavirusi dhe si pasojë kanë pësuar goditjet më të rënda socio-ekonomike janë SHBA e cila kryeson prej kohësh “listën e zezë”, India, Brazili, Rusia, Franca, Anglia, Turqia dhe Italia.
Së fundmi në Britaninë e Madhe është shfaqur një variant i ri i COVID-19, i cili sipas shkencëtarëve shpejtësia e përhapjes së tij është më e madhe, por ka pasoja më të rrezikshme, ndërkohë përhapet edhe më lehtë nëpërmjet fëmijëve dhe të rinjve.
Si pasojë i zhvillimeve të fundit shtetet kanë ndërmarrë masa të reja izoluese edhe shtrënguese duke mbyllur kufijtë me Britaninë e Madhe por virusi po perhapet në të gjithë botën.
Në kryeqytetin spanjoll Madrid mutacioni u konstatua në katër vetë, tha zëvendësministri i shëndetësisë, Antonio Zapatero, në një konferencë shtypi. Të katër personat e infektuar kohët e fundit kishin ardhur nga Britania e Madhe.
Varianti i ri i virusit Corona është shfaqur edhe në Suedi dhe në Franë. Japonia ndërmori menjëherë masa të drejtpërdrejta duke ndaluar që nga e hëna hyrjen e të huajve në vend. Sipas gazetës Nikkei ky rregull është në fuqi deri në fund të janarit. Shkas është zbulimi i variantit të ri të virusit tek persona që kanë ardhur nga Britania e Madhe.
Edhe Presidenti i Filipineve, Rodrigo Duterte, zgjati gjithashtu vendimin për ndalimin e fluturimeve nga Britania e Madhe. Kjo vlen deri në mes të janarit në mënyrë që të parandalohet përhapja e variantit të ri të virusit.
Versioni i ri i koronavirusit, që u zbulua fillimisht në Britaninë e Madhe ka arritur tashmë në Adelaide, Australi.
Autoritetet Shëndetësore në Australi njoftuan se rasti është identifikuar tek një udhëtar që së fundmi ishte kthyer në shtëpi nga Britania e Madhe.
Që pas kthimit, ai u shtrua në spital me urgjencë.
Sipas ekspertëve, mendohet se edhe varianti i ri mund të luftohet nëpërmjet vaksinave të dala në treg për të mposhtur COVID-19. Megjithatë shefi ekzekutiv i BioNTech / Pfizer ka thënë se nëse vaksina do të duhet të ndryshojë atëherë brenda 6 javëve ajo do të jetë gati.
g.kosovari
