Situata e reshjeve të djeshme në Maqedoni është e pazakontë për stinën e verës. Mbrëmjen e djeshme në Shkup raportohen se janë regjistruar mbi 800 rrufe.
Mediat maqedonase shkruajnë se një mot i tillë nuk është parë në Shkup prej dekadash. Reshjet intensive të shoqëruara me era të forta vijojnë prej disa orësh, duke shkaktuar përmbytje në disa zona.
Rrugët janë bllokuar, ndërsa autoritetet i kanë bërë apel qytetarëve të mos lëvizin nga banesat. Ndërkohë, sipas Klan Kosovës një fëmijë 13 – vjeç rezulton i zhdukur në Hasanbeg të Shkupit, ndërsa shumë familje në këtë zonë po evakuohen për shkak të vërshimeve të mëdha të ujit.
Panorama/d.i.
