Shpërtheu në Kinë prej në fund të dhjetorit të 2019 e në mars të 2020 në mbarë botën, por Covid-19 vijon të jetë ende një kërcënim për botën. Deri më tani në gjithë globin janë infektuar 8,789,258 persona. Ndërkohë 463,194 të tjerë kanë humbur jetën. Lajm i mirë është se betejën me COVID-19 e kanë fituar 4,648,792 qytetarë.
Shtetet e Bashkuara të Amerikës janë ndër vendet më të prekura nga pandemia. Aktualisht në Shtetet e Bashkuara të Amerikës janë 2,297,642 të infektuar dhe janë shënuar 121,414 vikitma.
Brazili është një ndër vendet më të goditura nga koronavirusi në mbarë botën. Çdo ditë e më tepër në Brazil sa vjen dhe shtohen shifrat e rasteve të reja dhe viktimave nga koronavirusi.
Tashmë me rritjen masive të rasteve të reja Brazili ka tejkaluar mbi 1 milionë persona të infektuar nga koronavirusi
Kjo tregon se situata e koronavirusit është akoma e vështirë dhe mesa duket edhe për shumë kohë do të jetë e pamundur që vendi më i madh në Amerikën Latine të rimëkëmbet.
Lajmi i rritjes së rasteve të reja në Brazil është bërë me dije nga Ministria e Shëndetësisë, ku të paktën 54.771 njerëz janë infektuar brenda 24 orëve të fundit.
“Epiqendra e re botërore e pandemisë, Brazili ka regjistruar 1.032 913 të kontaminuar me COVID-19 pas një rekordi prej 54.771 raste të reja.”-ka deklaruar Ministria e Shëndetësisë.
Ndërkohë në 24 orët e fundit Brazili ka shënuar 1.206 të vdekur, duke e çuar në 48.954 numrin e për gjithshëm të të vdekur që prej fillimit të shpërthimit.
Ndërkohë në Kinë janë rikthyer sërish rastet e reja me Covid-19. Deri më sot Kina numëron 4.634 viktima dhe 83,352 të infektuar që prej fillimit të shpërthimit, ku në 24 orët e fundit raportohen 27 raste të reja.
Sa i përket Europës, në Itali janë shënuar 34,561 viktima dhe në Francë 29,603, ndërsa qeveria ka vendosur të lehtësojë masat e izolimit, sakaq në Spanjë kanë humbur 27,136 qytetarë.
g.kosovari
